Psalms 41
Tumtheih makaipa ading. David phatna-la khat.
1 Mi gentheite a khualte thupha ngah hi a; alungkham hun ciangin TOPA in amah a hu ding hi. b
2 TOPA in amah hu dinga, a nuntakna hawisakin;
leitungah amah thupha pia dinga,
a galte in utut a, a bawl dingun pia lo ding hi.
3 Amah cina-lupna tungah TOPA in kem dinga, c
lupna panin a natna a damsak ding hi. d
4 Ke’n, “TOPA aw, kei hong lainat in; e
na tungah ka mawh khin hi, hong damsak in,” ka ci hi. f
5 Ka galte in huatna tawh
“Amah cik ciangin si-in a min mang ding ahi hiam?” ci uh hi. g
6 Kei hong vehin mi khat hong pai simin
a lungsim ah gensiat nading kaikhawmin amaan lopipi gen a;
tua khitteh paikhia-in mun citeng ah genthang lai hi. h
7 Ka galte khempeuh kei gensia in kihuau uh a,
kei adingin a sia pen ding geel uh a,
8 “Natsia in amah mancip hi;
a lupna pan amah tho ngei nawn lo ding hi,” ci uh hi.
9 Ka muan mahmah, ka ankuang umpih, i
ka kinaipih ka lawmpa nangawn in
kei langah a khetul a liikto hi. j
10 Ahi hangin TOPA aw, kei hong lainat in;
amaute ka thuk zawh nadingin hong phong in. k
11 Ka galte ka tungah a gualzawh loh manun l
nong lungdampih lam ka thei hi. m
12 Ka lungsim cihtakna ah kei nong lenkip-a, n
nang omna ah nong koih den hi.
13 A tawntung pan tawntung dongin o
Israel Pasian TOPA kiphat ta hen. p
Amen, Amen.
Copyright information for
ZomZIV